صغيره.بس فيها من الشقاوه ما يهد الحيل
شقيه.تتعب اللي في الهوى ينوي يحاسبها
تكون أقرب من عروقي.وهي آخر خيوط الليل
تكون أغلا بشر عندي.وأكون أغلا حبايبها
تعذبني.وأنا رافقًً بالحيل..
ولا ودي تجي لحظه.تعاتبني فـأعاتبها
أخاف أعاتب.وينزل دمعها ويسيل
أخاف أجرح مشاعر بكلمه من سبايبها
أفارقها.أضم الجرح.أقابلها يزيد الويل
أعانقها يقف عمري على هلة ذوايبها
أزاعلها تصير أبعد عليه من طلوع سهيل
أراضيها.وأصير أقرب من قرايبها
صحيح الغلا سلطه.صحيح الهوى تذليل
صحيح المحبه كايده.ما كثر مصايبها
صحيح الخفوق اللي تمناها عليه الميل
نزف جرحه.ولابين من الفرقا صوايبها
أنا غريب.وموطني حضن به تدليل
به أنسى لوعتي.وأنسى من الدنيا نشايبها_
السبت أغسطس 30, 2008 7:09 pm
