بشتكي لك أنت :
(ياأعز الأحباب )
شكوى جريح يبتسم في ونينه :
جرح أحسبه طاب وأثريه ماطاب :
خلى (دموع العين )
تنزف حزينه :
ماهي :ظروف الوقت وآلام الأعصاب
(غياب الحبيب اللي غلاته ثمينه )
تبقى ترى في كل الأحوال غالي
حتى لو إني ضمن هامش حياتك
يا واصلن قطعي و قاطع وصالي
أرجوك تسمعني و كلمه وجاتك
إن كنت ما أهمك وخاطرك سالي
تعال صارحني وبرر سواتك
وإن كنت مأخذني قصيد وتسالي
ما أحب أكون بيوم من تسلياتك
لكن تعال إسمع خلاصة مقالي
البارحه ياهيه فاتك وفاتك
في آخرة هالليل جالس لحالي
سهران أفكر فيك وفي ذكرياتك
أعطيتني إهمال وأشغلت بالي
علقت لأجل الحب ذاتي بذاتك
أغريتني وإزداد فيني هبالي
إهبال من حسنك وباقي صفاتك
أعجبتني من قلب أول وتالي
أسلوبك أولها وتالي حلاتك
يعني تراي أحيان جدآ مثالي
يهمني طبعك قبل مغرياتك
خليتني مبسوط بضعة ليالي
وأحزنتني والحين وينك! وهاتك
ياصاحبي ياأنت ياراس مالي
ياللي على قلبي فرضت بغلاتك
لو معك أنا أكذب وشعري خيالي
الله يأخذني وإدعي بصلاتك
حلالي أتوفى عشانك حلالي
وحلالك تهمس غلا في سكاتك
ياخي تراني ضقت وارأف بحالي
إلى متى والصمت يلزم شفاتك؟
أبيك تفضى لي وتجلس قبالي
طالع بعيني زين واجمع شتاتك
لويمنعك ظرفك فلا.لاتبالي
بصبرعلى شانك وبسمع وصاتك
لكن أبي أسأل وجاوب سؤالي
إن كنت شاريني شريتك بغالي
وإن كنت بايعني البقيه بحياتك!؟!
'%_ ياخـــوي '%_
بلدان الحبايب مريفه،،
واللي بدون احباب كنه على نار،،
الطير بالجنحان يكثر رفيفه،،
وإذا انكسر واحد تعثر ولاطار،،
يمنى بلا يسرى تراها ضعيفه،،
ومن يفقد اصحابه على الغبن صبار،،،،
الثلاثاء سبتمبر 09, 2008 6:09 pm
